ደጋጋ ከተማ በአማራ ክልል ደቡብ ወሎ ዞን ከሚገኙ ወረዳዎች ውስጥ በአልቡኮ ወረዳ አስተዳደር ስር የምትገኝ ስትሆን በ2001 ዓ.ም መዘጋጃ ቤት ተቋቁሞላት ወደ ስራ በመግባት ቀጥሎም የአልቡኮ ወረዳ መቀመጫ በመሆን ለነዋሪወቿ የማህበራዊ የተለያዩ የአስተዳደር ማዕከል ሁና እያገለገለች ትገኛለች፡፡

የከተማዋ የእድገት ፕላን ከአሁን በፊት በ2005 ዓ.ም ተዘጋጅቶ ቢሆንም የፕላን ዘመኑ በመጠናቀቁ ምክኒያት እና የተዘጋጁ ፕላኖችንም ቢሆኑ ወቅቱን ጠብቆ ክለሳ ማድረግ ካልተቻለ በየጊዜው እየጨመረ ከሚሄደው የህዝብ ቁጥር እድገትና ፍላጎት ጋር ተመጣጣኝ የሆነ አገልግሎት መስጠት ስለማይቻል የክለሳ ፕላን መስራት አስፈላጊ ሆኖ ተገኝቷል፡፡

የደጋጋ ታዳጊ ከተማ ከ10.790° - 10.811° ኬክሮረስና እና ከ39.614° - 39.660° ኬንተሮስ ትገኛለች፡፡ በአነጻሩ የደጋጋ ታዳጊ ከተማ በደቡብ ወሎ ዞን በአልቡኮ ወረዳ ከዞኑ ዋና ከተማ ደሴ በደቡብ በምዕራብ አቅጣጫ የምትገኝ በታዳጊ ማዘጋጃ ደረጃ ያለች ከተማ ናት፡፡